Информационно-Аналитический
Портал

ГIалгIай Мехка-даь Евкурнаькъан Баматгире Юнус-Бека мархий Iийдан кхайкарал
Автор: ingnews.ru   
25.06.2017 18:03

Хьамсара мехкахой, бусалба вежарий йижарий! Чакхбаьннаб сийдола параз мархий бутт, цунца цхьана вай параза мархий Iибадат а. Вайна хьатIакхаьчар бусалба наьха кертера цIей да, «Iийдул-фитIр» (мархий Iийда). Ер сийрда цIей къахетам а камоаршал а яхьаш доагIа. Ер Даьла хьехаве везаш Далла хам бе безаш цIей да. Укх дIабахача бетта вай хьийга къа, вай я Iамал Дала къоабала еш хьалъэцаш ха я ер. Цунга хьажжа хила деза вай а, хIана аьлча Дала гештдеш а шийгара къахетам гучабоаккхаш а вай кIезигадар дукхадеш къоабала деш а ший камоаршал йоаржаю ха я ер.  ХIаьта вай, чIоагIагIа хьашт да гештдарга къинтIера даларга вас-эгIазло дIаяккхарга.

  Дерригаш гIаддаха долаш тIаэца деза вай ер Iийда. Вайна Дала енна ер хоза ха, доаккхал деш, цучухь вай баьнна аьттув биц ца беш хила деза вай.  Хьмсара вежарий йижарий! Доккха баркал оал аз шаона, шун дин лерхIама, шун нахацара юкъ-меттиг хилара, къаьстта хьашт долча наха оаш даьча новкъоастала. Сийдолча Дала оаш даь Iибадат, шун тоба къобаладеш шо даькъала долда! Дегачура лов сона вай къам машарца, иразаца аьттонца алсамдалар. Вай дIамелхьовзадаьча дикача хIаман тIехьа аьттув хилба вай. Укх Iийдан деношка в1ашагIкхетар товр долаш а дегагIозле йолаш а хилда вай! Везача Дала къоабола долда вай марха, мел я дика 1амал. Дала догдоахача дикага кхедолда вай, дуIашта дизза жоп лулда!

Добавьтe Ваш комментарий

Ваше имя (псевдоним):
Комментарий (Вы можете использовать здесь HTML-теги):